ნინოწმინდის მუნიციპალიტეტის სოფელ გორელოვკის N3 საჯარო სკოლაში მოსწავლეთა შემოქმედებითი ნიჭისა და უნარების განვითარების მიზნით არაერთი ღონისძიება თუ აქტივობა იმართება, რაც მათ შესაძლებლობებზე აისახება.
ახლახან, VII-XII კლასის მოსწავლეებმა კრეატიული წერის სამყაროში იმოგზაურეს - შექმნეს პერსონაჟები, ააგეს სიუჟეტები...
ინტერაქტიული აქტივობებისა და მოკლე ანიმაციური ფილმების ანალიზის დახმარებით მოსწავლეებმა შეძლეს, სიტყვები გარდაექმნათ ისტორიებად და საკუთარი ხედვა თავისუფლად გამოეხატათ.
„სამუშაო შეხვედრამ კიდევ ერთხელ დაგვანახა, რომ კრეატიული წერა მხოლოდ ტექსტის შექმნა არ არის - ეს არის ფიქრი, საკუთარი იდეის დაცვის უნარი და სამყაროს განსხვავებული კუთხით დანახვა“,- აღნიშნავენ სკოლაში და მადლობას უხდიან თითოეულ მონაწილეს აქტიურობისთვის.
„ყველა ისტორია იწყება ერთი ნაბიჯით - და ეს ნაბიჯი უკვე გადადგმულია“,- აღნიშნავენ სკოლაში და მოსწავლეთა შემოქმედებითობას ახალისებენ.
იხილეთ ფოტოები:
