განათლების, მეცნიერებისა და ახალგაზრდობის მინისტრის, გივი მიქანაძის განცხადებით, მათი მიზანია, მაქსიმალურად მოხდეს პროფესორ-მასწავლებლების შენარჩუნება - ლექტორები უნივერსიტეტებში შესაბამისი პროფილის მიხედვით განაწილდებიან.
საქმე ისაა, რომ სახელმწიფო უნივერსიტეტებში სტუდენტთა მიღების კვოტები განაწილდება უმაღლესი განათლების რეფორმის კონცეფციით განსაზღვრული „ერთი ქალაქი - ერთი ფაკულტეტის პრინციპის“ შესაბამისად, უნივერსიტეტების ტრადიციული პროფილის გათვალისწინებით.
„პროფესორ-მასწავლებლებთან დაკავშირებით ჩვენ ვთქვით, რომ მაქსიმალურად შევეცდებით, შევინარჩუნოთ ყველა. ლექციები შეიძლება იმ უნივერსიტეტში არ ჰქონდეთ და სხვა უნივერსიტეტში ჰქონდეთ, სადაც ის ფაკულტეტი იქნება. ის ფაკულტეტები, რომლებიც მილევად რეჟიმში გადადის, ჯერ არსებობას განაგრძობს, რამდენიმე წელიწადი აგრძელებს ფუნქციონირებას.
