ბოლნისის მუნიციპალიტეტის დაბა თამარისის საჯარო სკოლის მოსწავლე ბარბარე ანდიაშვილი „ეტალონის“ საგნობრივი ოლიმპიადის გამორჩეული მონაწილეა. 

მოსწავლე 2025 წლის საგნობრივ საშემოდგომო ჩემპიონატს დიდი შემართებით შეუერთდა და ბრწყინვალე შედეგიც აჩვენა. ბარბარე ანდიაშვილი, საქართველოს მასშტაბით, ქართული ენისა და ლიტერატურის ოლიმპიადის ლიდერთა ათეულში მოხვდა და ასახელა სკოლა და ოჯახი. მისი წარმატება მთელი სასკოლო საზოგადოებისთვის საამაყო და სასიხარულოა. 

„ეტალონისა“ და izrune.ge-ს ერთობლივი ჩემპიონატი საქართველოს სკოლების მოსწავლეებს აძლევს უნიკალურ შესაძლებლობას -  გაიმდიდრონ საგნობრივი ცოდნა, შეიძინონ და განივითარონ 21-ე საუკუნის უნარ-ჩვევები და, რა თქმა უნდა, გამოსცადონ შესაძლებლობები.