ქუთაისის N32 საჯარო სკოლის კლუბ „ბიომედის“ წევრებმა თხევადი საპონი დაამზადეს
11-02-2026
ავთანდილ დეკანოიძის სახელობის ქალაქ ქუთაისის N32 საჯარო სკოლის მოსწავლეები საბუნებისმეტყველო მეცნიერებებს ხალისითა და დიდი ინტერესით სწავლობენ. ბიოლოგიით დაინტერესებული მოსწავლეებისთვის კი კლუბი „ბიომედი“ მუშაობს, რომლის ხელმძღვანელი სოფიკო კვერნაძე გახლავთ.
ახლახან, ბიოლოგიის კლუბის მორიგი საინტერესო შეხვედრა გაიმართა. მოსწავლეებმა საკუთარი ხელით დაამზადეს ფერადი და სურნელოვანი თხევადი საპონი.
აქტივობის ფარგლებში მოსწავლეებმა:
- პრაქტიკულად შეისწავლეს საპნის დამზადების პროცესი;
- თანმიმდევრულად დაიცვეს უსაფრთხოების წესები;
- იმუშავეს გუნდურად და მიიღეს შესანიშნავი შედეგი.
ფერებისა და არომატების შერჩევამ პროცესი კიდევ უფრო საინტერესო და მხიარული გახადა. შეხვედრა იყო შემეცნებითი, პრაქტიკული და დადებითი ემოციებით სავსე.
იხილეთ ფოტოები:
სკოლების სიახლეები
