გიორგი ჭყონდიდელის სახელობის ქალაქ ფოთის N7 საჯარო სკოლის მოსწავლეებისთვის შთამბეჭდავი გასვლითი ღონისძიება მოეწყო.
4 თებერვალს სკოლის მე-5 კლასის მოსწავლეები, პედაგოგ ნინო მორგოშიას ინიციატივით, კოლხეთის ეროვნულ პარკს ეწვივნენ თემის - „სამეგრელო“ ფარგლებში.
როგორც სკოლაში გვეუბნებიან, ვიზიტი მიზნად ისახავდა საგნისადმი ინტერესის გაღვივებასა და თემის მეტად გააზრებას.
ძალიან საინტერესო აღმოჩნდა მოზარდებისთვის კოლხეთის ეროვნული პარკის თანამშრომელთა მიერ მიწოდებული ინფორმაციები დაცული ტერიტორიების შესახებ...შეხვედრა ინტერაქტიული ფორმატით წარიმართა.
შეხვედრის ბოლოს, მოსწავლეები ტელესკოპით დაცული ტერიტორიის მობინადრე ფრინველებს დააკვირდნენ.
გასვლითი ღონისძიება მოსწავლეებისთვის მეტად შთამბეჭდავი და სასწავლო-შემეცნებითთან ერთად სახალისო აღმოჩნდა.
იხილეთ ფოტოები:
