მესტიის მუნიციპალიტეტის მულახის საჯარო სკოლა წიგნის პოპულარიზაციისკენ მიმართულ მსოფლიო კამპანიას აქტიურად შეუერთდა.
სკოლის ბიბლიოთეკაში წიგნის საჯაროდ კითხვის მსოფლიო დღესთან დაკავშირებით, ღონისძიება გაიმართა, რომელსაც მოსწავლეები ხალისით შეუერთდნენ.
მე-6 და მე-7 კლასისების მოსწავლეებმა საკუთარი სურვილით შეარჩიეს საყვარელი ავტორი და ნაწარმოებიდან ნაწყვეტები მხატვრულად, ხმამაღლა წაიკითხეს.
მოსწავლეებმა ისაუბრეს თუ რატომ არის ესა თუ ის ავტორი მათი საყვარელი მწერალი. ასევე შექმნეს სლოგანი - „წიგნი, რომელიც გაერთიანებს“.
ღონისძიება იყო შინაარსობრივად დატვირთული და საინტერესო.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონ ადამიანამდე მონაწილეობს და ერთიანდება საერთო სლოგანის გარშემო - „იკითხე ხმამაღლა შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
