ხულოს მუნიციპალიტეტის განახლების საჯარო სკოლაში სტანდარტული გაკვეთილები ჩატარდა. 

მე-3 კლასის გაკვეთილის თემა იყო „სიკეთის უკვდავება“. სასწავლო პროცესს პედაგოგი ნაზიბროლა ბოლქვაძე ხელმძღვანელობდა. 

სკოლის წარმომადგენლის თქმით, მასწავლებელმა სასწავლო პროცესის დროს საინტერესო აქტივობები გამოიყენა. მოსწავლეებმა ტექსტი მოისმინეს და შინაარსი გადმოსცეს. თემასთან დაკავშირებით საკუთარი აზრი გამოხატეს და მცირე მოცულობის ტექსტიც შექმნეს. 

პედაგოგმა ნათია თავართქილაძემ კი მე-10 კლასში სტანდარტული გაკვეთილი ინგლისურ ენაში ჩაატარა. გაკვეთილის თემა იყო - Me and the world around me.

პედაგოგმა სასწავლო პროცესის დროს სხვადასხვა აქტივობა გამოიყენა და გაკვეთილი საინტერესო და სახალისო გახადა.

გაკვეთილებს პედაგოგები ესწრებოდნენ, რომელთაც სასწავლო პროცესი დადებითად შეაფასეს. 

იხილეთ ფოტოები