მესტიის მუნიციპალიტეტის სოფელ კალის საჯარო სკოლაში მოსწავლეებს მხატვრული ლიტერატურის სიყვარულს დაწყებითი კლასებიდანვე შთააგონებენ და მათი წიგნიერების დონის ამაღლებაზე ზრუნავენ.
რა თქმა უნდა, სკოლაში აქტიურად გამოეხმაურნენ წიგნის საჯაროდ კითხვის მსოფლიო დღეს.
სკოლაში ღონისძიება გაიმართა, რომელშიც ჩართული იყო ყველა საფეხურის მოსწავლე.
მოსწავლეებმა საკუთარი სურვილით შეარჩიეს საყვარელი ავტორის წიგნი და გამორჩეული ეპიზოდები ხმამაღლა, მხატვრულად წაიკითხეს.
მოსწავლეებმა ერთმანეთს წიგნის კითხვის სიხარული გაუზიარეს და კითხვის პოპულარიზაციაში საკუთარი წვლილი შეიტანეს.
ღონისძიების შემდეგ კი შექმნეს პორტერი სლოგანით - „წიგნი ჯადოსნური კარია“.
წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 31 მილიონ ადამიანამდე მონაწილეობს და
ერთიანდება საერთო სლოგანის გარშემო - „იკითხე ხმამაღლა შეცვალე მსოფლიო!“ ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.
იხილეთ ფოტოები:
