„ჩემი საოცნებო ოთახი“ - დაბა ლენტეხის N1 საჯარო სკოლის მოსწავლეებმა ინგლისური ენის გაკვეთილზე საინტერესო, შემოქმედებით დავალებაზე იმუშავეს
09-02-2026
დაბა ლენტეხის N1 საჯარო სკოლაში მეტად საინტერესო სასწავლო პროცესი მიმდინარეობს. პედაგოგები სწავლებისას საინტერესო სასწავლო მეთოდებსა და აქტივობებს მიმართავენ, რაც მოსწავლეთა სასწავლო შემართებაზე აისახება.
აღსანიშნავია, მე-6 კლასში ჩატარებული შემაჯამებელი გაკვეთილი თემაზე - „ჩემი საოცნებო ოთახი“, რომელსაც პედაგოგი მაია ლიპარტელიანი ხელმძღვანელობდა.
როგორი იქნებოდა შენი საოცნებო ოთახი? - ამ კითხვას პასუხი ინგლისური ენის გაკვეთილზე მოსწავლეებმა დავალების - My Dream Room ფარგლებში გასცეს.
„ნამუშევრებში თვალსაჩინოა მათი ფანტაზია, ინდივიდუალობა და ინგლისურ ენაზე საკუთარი აზრის გადმოცემის უნარი“,- გვეუბნებიან სკოლაში, ახარებთ მოსწავლეთა შემოქმედებითობა და გვიზიარებენ ბავშვების საინტერესო და კრეატიულ ნამუშევრებს.
იხილეთ ფოტოები:
სკოლების სიახლეები
