ქუთაისის №4 საჯარო სკოლაში სამხედრო მოსამსახურეებს უმასპინძლეს.
სკოლას ეწვივნენ გენერალ გიორგი კვინიტაძის სახელობის კადეტთა სამხედრო ლიცეუმის წარმომადგენლები, რომლებმაც მოსწავლეებს გააცნეს ლიცეუმის საგანმანათლებლო გარემო, ღირებულებები და ის მრავალმხრივი შესაძლებლობები, რომელსაც აღნიშნული სასწავლო დაწესებულება ახალგაზრდებს სთავაზობს.
შეხვედრის ფარგლებში განსაკუთრებული ყურადღება გამახვილდა ისეთ მნიშვნელოვან ფასეულობებზე, როგორიცაა დისციპლინა, პასუხისმგებლობა, პატრიოტიზმი, გუნდური მუშაობა და ლიდერული უნარების განვითარება. სტუმრებმა მოსწავლეებს დეტალურად უამბეს კადეტთა ლიცეუმში სწავლების სპეციფიკაზე, სასწავლო პროგრამებზე, ფიზიკური და ინტელექტუალური განვითარების მნიშვნელობაზე, ასევე სამომავლო პროფესიულ პერსპექტივებზე.
პრეზენტაცია ინტერაქტიულ ფორმატში წარიმართა, რაც მოსწავლეებს შესაძლებლობას აძლევდა, დაესვათ მათთვის საინტერესო კითხვები და მიეღოთ ამომწურავი პასუხები. შეხვედრამ დიდი ინტერესი გამოიწვია, განსაკუთრებით იმ მოსწავლეებს შორის, რომლებიც მომავალში სამხედრო ან სამოქალაქო სამსახურთან დაკავშირებულ პროფესიებს განიხილავენ.
როგორც სკოლაში აღნიშნავენ, მსგავსი ტიპის შეხვედრები ხელს უწყობს მოსწავლეთა პროფესიულ ორიენტაციას, მათ ცნობიერ არჩევანსა და მოტივაციის ამაღლებას. სკოლა მომავალშიც გეგმავს საგანმანათლებლო დაწესებულებებთან თანამშრომლობას, რათა მოსწავლეებს მაქსიმალურად ფართო და მრავალფეროვანი ინფორმაცია მიეწოდოთ მათი მომავალი განვითარებისათვის.
იხილეთ ფოტოები:
