თბილისის N108 სკოლაში ვოლფგანგ ამადეუს მოცარტის 270 წლის იუბილესთან დაკავშირებით საგანმანათლებლო კვირეული გაიმართა.
კვირეულის ფარგლებში არაერთი ღონისძიება თუ აქტივობა მოეწყო. მათ შორის აღსანიშნავია, მე-5ა კლასში გამართული ულამაზესი და შთამბეჭდავი ღონისძიება.
„ეს იყო მართლაც საოცარი საღამო, სავსე მუსიკით, ემოციებითა და ბავშვების ნიჭის ბრწყინვალე გამოვლინებით“,- ასე აფასებენ სკოლაში მუსიკალურ ღონისძიებას, რომელმაც მაყურებელს საოცარი ემოციები და წუთები აჩუქა.
სკოლაში მადლობას უხდიან ყველას ვისაც ასეთი შთამბეჭდავი ღონისძიების გამართვაში მიუძღვის წვლილი.
„დიდი მადლობა კლასის დამრიგებელს - ასმათი ვასაძეს, მუსიკის მასწავლებელს - ნათია კაჭარავას, გერმანული ენის პედაგოგ ქეთი გავაშელიშვილს, რომლებმაც თავდაუზოგავი შრომით და სიყვარულით შექმნეს ასეთი მაღალი დონის ღონისძიება.
მადლობა, ჩვენს მშობელს - თიკო მაისურაძეს ქორეოგრაფიული ნაწილისათვის. და, რა თქმა უნდა, მადლობა ჩვენს ულამაზეს, გონიერსა და ნიჭიერ ბავშვებს! თქვენ დაგვიტოვეთ დაუვიწყარი შთაბეჭდილებები და დიდი სიამაყის გრძნობა. წინ კიდევ ბევრი წარმატება, ჩემო ძვირფასებო!“,- აღნიშნავენ სკოლაში.
იხილეთ ვიდეო
