ქართულ-ამერიკული უმაღლესი სკოლა (GAHS) კიდევ ერთხელ მოექცა საგანმანათლებლო საზოგადოების ყურადღების ცენტრში.
GAHS და GAS წლის ლიდერ სკოლებად დასახელდნენ.
ქართულ-ამერიკული უმაღლესი სკოლა (GAHS) და ქართულ-ამერიკული სკოლა (GAS) პრესტიჟული საერთაშორისო აღიარების - LEADER OF THE YEAR - მფლობელები გახდნენ, რაც მათ მიერ განათლების სფეროში დანერგილი ინოვაციური მიდგომებისა და საერთაშორისო დონეზე მიღწეული შედეგების დასტურია.
პრესტიჟული საერთაშორისო ჯილდო ქართულ-ამერიკული უმაღლესი და ქართულ-ამერიკული სკოლების დირექტორებს - მამუკა მესხიშვილს და ირმა მესხიშვილს გადაეცათ.
შვეიცარიის სარეიტინგო ასოციაციისა და ნაციონალური ბიზნეს რეიტინგების კავშირის საერთაშორისო დაჯილდოების ცერემონია 2025 წლის 19 დეკემბერს, სასტუმრო პარაგრაფში გაიმართა.
ქართულ-ამერიკული უმაღლესი და ქართულ-ამერიკული სკოლები საერთაშორისო საგანმანათლებლო პროგრამებისა და ინოვაციების დარგში, ასევე საერთაშორისო ოლიმპიადებსა და კონფერენციებში მიღწეული წარმატებისთვის წლის ლიდერ სკოლებად დასახელდა.
„ვულოცავთ ქართულ-ამერიკული უმაღლესი სკოლის გუნდს, მოსწავლეებსა და მშობლებს კიდევ ერთ მნიშვნელოვან აღიარებას“,- სიამაყით აღნიშნავენ სკოლაში.
იხილეთ ფოტოები:
