სკოლა „ცოდნაში“ მოსწავლეები ხალისით ეუფლებიან მუსიკალურ ხელოვნებასა და ქართულ ფოლკლორულ ტრადიციებს.
ახლახან, სკოლა „ცოდნაში“ გაიმართა ქართული-ხალხური საკრავების ანსამბლის „ქართული სულის“ შთამბეჭდავი ღია გაკვეთილი.
ანსამბლის ხელმძღვანელმა - ემზარ ხელაძემ მოსწავლეებს გადასცა დიპლომები ფოლკლორულ ფესტივალში აქტიური მონაწილეობისათვის, სადაც მათ ლაურეატის წოდება მოიპოვეს.
ამავე ფესტივალზე კერძო სკოლა „ცოდნაც“ დაჯილდოვდა შესაბამისი დიპლომითა და მედლით, რომლებიც გადაეცა სკოლის დირექტორს - ნაზი ნადირაძეს.
„ეს კიდევ ერთხელ ადასტურებს ჩვენი სკოლის მნიშვნელოვან წვლილს ქართული კულტურის შენარჩუნებასა და განვითარებაში“,- აღნიშნავენ სკოლაში და ზრუნავენ როგორც მოსწავლის საგნობრივ ცოდნაზე, ისე მათ შემოქმედებით განვითარებაზე.
ღია გაკვეთილს მშობლებიც ესწრებოდნენ. სკოლაში მადლობას უხდიან მათ მხარდაჭერისა და თანადგომისთვის.
შეგახსნებთ, რომ სკოლა „ცოდნაში“ ფუნქციონირებს ქართული-ხალხური საკრავების წრე, სადაც მოსწავლეებს აქვთ შესაძლებლობა ეზიარონ ეროვნულ მუსიკალურ მემკვიდრეობას და განივითარონ თავიანთი ნიჭი.
იხილეთ ფოტოები და ვიდეო
