თბილისის N28 საჯარო სკოლაში მოსწავლეებს ტოლერანტულ ფასეულობებზე ზრდიან და საგნებთან ერთან ემპათიას, ერთმანეთის მხარდაჭერასა და მეგობრობას ასწავლიან.
ამის ნათელი მაგალითია მე-3 კლასში ჩატარებული კლასის საათი თემაზე „ბულინგი - ძალადობა, რომელზეც თვალს ხუჭავენ“.
დამრიგებლის შეთავაზებულ საინტერესო აქტივობებს ყურადღებით ასრულებდნენ პატარები. ნახეს ანიმაციური ფილმი - „ბულინგი - ნუ გაჩუმდები, იმოქმედე!“. ასევე უპასუხეს სადისკუსიო კითხვებს.
მოსწავლეებმა დააჯგუფეს კეთილი და ბოროტი სიტყვები, ასევე სიტყვები რომელიც აძლიერებს, სიტყვები რომელიც ტკენს, შეასრულეს სიმღერა მეგობრობაზე.
აქტივობები, რომლებიც ბულინგის შესახებ მოსწავლეთა ცნობიერების ამაღლებას ემსახურებოდა, მოსწავლეებისთვის მეტად საინტერესო და თავშესაქცევი აღმოჩნდა.
სასწავლო პროცესს ხელმძღვანელობდნენ პედაგოგები: ლია ცერცვაძე და ლიკა მაჭავარიანი.
იხილეთ ფოტოები:
