ზოგადი განათლების რეფორმის კონცეფცია, I-VI კლასების მოსწავლეებისთვის სასკოლო ფორმის დაწესებას ითვალისწინებს.
თავის დროზე, განათლების მინისტრმა, გივი მიქანაძემ განმარტა, რომ შემუშავდებოდა რამდენიმე დიზაინი და სკოლა მათ შორის სასურველს აარჩევდა, თუმცა ახლახან, მოადგილემ, თამარ მახარაშვილმა განაცხადა, რომ საქართველოს საჯარო სკოლების დაწყებითი საფეხურის მოსწავლეებისთვის ერთი ფორმა იქნება.
„გოგონებისთვის იქნება პიჯაკი, ბოლოკაბა და შარვალი, ბიჭებისთვის - პიჯაკი და შარვალი“, - განაცხადა მახარაშვილმა და დასძინა, რომ მართალია, საწყის ეტაპზე აღნიშნული ვალდებულება მხოლოდ დაწყებითი საფეხურის მოსწავლეებს ეხებათ, სამომავლოდ რეგულაცია უფროსკლასელებზეც გავრცელდება:
„ფორმების დაწესება სკოლებში არსებული ბულინგის გამო გადავწყვიტეთ... რატომ დაბალი კლასები? - ამ ასაკში ფსიქოლოგიური წნეხი დიდია მაშინ, როცა უფროსკლასელს, ასე თუ ისე, შეუძლია თავის დაცვა... თუმცა ეს არ ნიშნავს, რომ მაღალ კლასებს არ შეეხებათ“, - განმარტა მახარაშვილმა.
მისივე თქმით, იყო იდეა, სკოლებისთვის ასარჩევად რამდენიმე დიზაინი შეეთავაზებინათ, მაგრამ ფორმა ყველა მოსწავლისთვის ერთი იქნება:
„გვსურდა ყოფილიყო ხარისხიანი და ხელმისაწვდომი, ამიტომ ერთი დიზაინი იქნება, მხოლოდ სოციალურად დაუცველ მოსწავლეებს სახელმწიფო ფორმით“.
