ჭიათურის მუნიციპალიტეტის სოფელ სვერის საჯარო სკოლის მე-5 კლასის მოსწავლე ავთანდილ მუმლაძე გამოირჩევა ტექნიკური აზროვნებით, შემოქმედებითი მიდგომითა და განსაკუთრებული ინტერესით ელექტრონიკისა და STEM-ის მიმართულებით.
მიუხედავად ასაკისა, მას უკვე შექმნილი აქვს არაერთი პრაქტიკული და ფუნქციური ელექტრონული მოწყობილობა და თვითნაკეთი კონსტრუქცია.
ავთანდილის საქმიანობა მხოლოდ საკუთარი ნამუშევრების შექმნით არ შემოიფარგლება. თუ ვინმეს ელექტრონული მოწყობილობა დაუზიანდება, ის ყოველთვის მზად არის დასახმარებლად — ინტერესით ეცნობა პრობლემას, ცდილობს დაზიანების მიზეზის დადგენას და, შესაძლებლობის ფარგლებში, შეკეთებასაც.
მისი ნიჭი, შრომისმოყვარეობა და პრაქტიკული ცოდნა ადასტურებს, რამდენად მნიშვნელოვანია მოსწავლეებში ადრეული ასაკიდანვე ინტერესის გაღვივება ტექნოლოგიების მიმართ. ავთანდილ მუმლაძე არის მაგალითი იმისა, თუ როგორ შეიძლება ცნობისმოყვარეობამ და მონდომებამ ხელშესახებ შედეგამდე მიგვიყვანოს.
სკოლა ამაყობს ასეთი მოსწავლით და მომავალშიც ხელს შეუწყობს მისი შესაძლებლობების განვითარებასა და ფართო საზოგადოებისათვის გაცნობას - „გვჯერა, რომ ავთანდილ მუმლაძეს მომავალშიც არაერთი საინტერესო იდეა და მიღწევა ექნება“.
© მარიამ ცუცქირიძე, 2026. მასალის გამოყენება ავტორის მითითების გარეშე დაუშვებელია.
