ცნობარი გამოაქვეყნდა - 5 პრიორტიტეტის არჩევა შეგეძლებათ
28-01-2026
მობილობის მსურველ პირთა ელექტრონულ პორტალზე რეგისტრაცია დღეიდან, 28 იანვრიდან დაიწყო და 1 თებერვლის 18:00 სთ-მდე გაგრძელდება
რეგისტრაცია მიმდინარეობს ელექტრონულ პორტალზე: https://students.emis.ge/
მიმღები უნივერსიტეტებისა და პროგრამების ცნობარი: https://students.emis.ge/mob.info.pdf
ყურადღება!
- შეარჩიეთ სასურველი პროგრამები და დაალაგეთ პრიორიტეტის მიხედვით;
- მაქსიმუმ 5 პროგრამის არცევა შეგიძლიათ;
- რეგისტრაციის ვადის დასრულებამდე ყურადღება მიაქციეთ სასურველ პროგრამაზე გამსვლელ ქულას.
მობილობის შედეგების ნახვა შესაძლებელი იქნება 2026 წლის 16 თებერვალს მობილობის ელექტრონულ პორტალზე
ყურადღება: ის სტუდენტები, რომლებიც უმაღლეს საგანმანათლებლო დაწესებულებებში ჩაირიცხნენ 2020 წელს და შემდგომი წლების ერთიანი ეროვნული გამოცდების საფუძველზე და სურთ მობილობით სარგებლობა, უნდა აკმაყოფილებდნენ მიმღები პროგრამის დაშვების წინაპირობებს და ერთიან ეროვნულ გამოცდებზე ჩაბარებული უნდა ჰქონდეთ შესაბამისი სავალდებული საგანი/საგნები (გადალახული უნდა ჰქონდეს მინიმალური კომპეტენციის ზღვარი).
სსიპ - დავით აღმაშენებლის სახელობის საქართველოს ეროვნული თავდაცვის აკადემიის სტუდენტებს, რომლებიც 2022 და შემდგომი წლების ეროვნული გამოცდების საფუძველზე ჩაირიცხნენ აღნიშნულ საგანმანათლებლო დაწესებულებაში და სტატუსი შეუჩერდათ ან/და შეუწყდათ „უმაღლესი განათლების შესახებ“ საქართველოს კანონის 43-ე მუხლის მე-15 პუნქტის „გ“ ქვეპუნქტში მითითებული საფუძვლებით, მობილობის უფლება წარმოეშობათ უმაღლესი განათლების შესაბამის საფეხურზე სწავლის ხანგრძლივობის მიუხედავად.
სახელოვნებო-შემოქმედებით და სასპორტო საგანმანათლებლო პროგრამაზე მობილობის მსურველი, ელექტრონულ პორტალზე რეგისტრაციის ვადის დასრულებამდე, გადის კონკურსს დაწესებულების მიერ დადგენილი წესით.
სსიპ - დავით აღმაშენებლის სახელობის საქართველოს ეროვნული თავდაცვის აკადემიის სტუდენტებს, რომლებიც 2022 და შემდგომი წლების ეროვნული გამოცდების საფუძველზე ჩაირიცხნენ აღნიშნულ საგანმანათლებლო დაწესებულებაში და სტატუსი შეუჩერდათ ან/და შეუწყდათ „უმაღლესი განათლების შესახებ“ საქართველოს კანონის 43-ე მუხლის მე-15 პუნქტის „გ“ ქვეპუნქტში მითითებული საფუძვლებით, მობილობის უფლება წარმოეშობათ უმაღლესი განათლების შესაბამის საფეხურზე სწავლის ხანგრძლივობის მიუხედავად.
სახელოვნებო-შემოქმედებით და სასპორტო საგანმანათლებლო პროგრამაზე მობილობის მსურველი, ელექტრონულ პორტალზე რეგისტრაციის ვადის დასრულებამდე, გადის კონკურსს დაწესებულების მიერ დადგენილი წესით.
დეტალური ინფორმაცია და ხშირად დასმული კითხვები: https://emis.ge/about/faq
ელექტრონულ პორტალზე, სტუდენტის პირად პროფილში: https://students.emis.ge/
სკოლების სიახლეები
