განათლების ხარისხის განვითარების ეროვნული ცენტრის საკოორდინაციო საბჭოს წევრობის კანდიდატების შერჩევა იწყება - საკონკურსო განაცხადები 22-დან 28 იანვრამდე მიიღება.
საკოორდინაციო საბჭოს წევრობის კანდიდატს უნდა ჰქონდეს:
ა) დოქტორის ან მასთან გათანაბრებული აკადემიური ხარისხი; ბ) აკადემიურ ან სამეცნიერო შესაბამის სფეროში მუშაობის არანაკლებ 5-წლიანი გამოცდილება; ასევე მოეთხოვება უმაღლესი განათლების ხარისხის უზრუნველყოფის მექანიზმების სპეციფიკის ცოდნა, რაც დასტურდება შესაბამისი სამუშაო გამოცდილებით/პროცესებში მონაწილეობით ან/და მიღებული განათლებით.
განცხადებას უნდა დაერთოს ავტობიოგრაფია (CV); ცნობა სამუშაო ადგილიდან; უმაღლესი განათლების დამადასტურებელი დოკუმენტის ასლი (საკვალიფიკაციო მოთხოვნების შესაბამისად); კანდიდატის წერილობითი თანხმობა კონკურსში მონაწილეობის თაობაზე.
თუმცა, კომისიას აქვს უფლებამოსილება, კანდიდატს დამატებითი დოკუმენტაცია მოსთხოვოს.
