დედოფლისწყაროს მუნიციპალიტეტის სოფელ არხილოსკალოს საჯარო სკოლაში მოსწავლის სპორტული წარმატებით ხარობენ. 

IX კლასის მოსწავლე ანა ბუჩუკურმა საქართველოს ჩემპიონატზე ძიუდოში, 2009-2011 წლებში დაბადებულ გოგონათა შორის, III ადგილი მოიპოვა და დაეუფლა ბრინჯაოს მედალს.

ანა ძიუდოში ემზადება ლაშა ბექაურის სახელობის სპორტულ დარბაზში, სადაც მას ამზადებენ მწვრთნელები: კახა წიკლაური და ტარიელ ბექაური.

სკოლის დირექცია და სკოლის დირექტორი ქალბატონი მაია სიმონიძე დიდი სიხარულითა და სიამაყით ულოცავს ანას ამ მნიშვნელოვან გამარჯვებას და უსურვებს კიდევ უფრო დიდ წარმატებებს სპორტულ ასპარეზზე.

„ვულოცავთ, ანას ამ წარმატებას, ასევე მის მწვრთნელებსა და მშობლებს. ეს გამარჯვება ნამდვილად საამაყოა ჩვენი სკოლისა და მთელი თემისთვის!“,- აღნიშნავენ სკოლაში.