წალკის მუნიციპალიტეტის სოფელ საყდრიონის საჯარო სკოლის მოსწავლეებმა პირველი სასწავლო სემესტრი ღონისძიებით დააგვირგვინეს. 

წინასაახალწლოდ სკოლაში ჯადოსნური განწყობა დატრიალდა, მოსწავლეებმა დღესასწაულები დიდი ზარ-ზეიმით აღნიშნეს. 

ბავშვები დამსწრე საზოგადოების წინაშე მრავალფეროვანი საზეიმო სანახაობით წარდგნენ - წაიკითხეს თემატური ლექსები, გააცოცხლეს ზღაპრის გმირები, შეასრულეს სიმღერები და ცეკვები, ჩაერთნენ სახალისო თამაშებში.

დამრიგებელმა ჟუჟუნა მარკოიძემ მოსწავლეებს, შობა-ახალი წელი მიულოცა და ბედნიერი დღესასწაულები უსურვა.