სამების საკათედრო ტაძრის ეზოში, საპატრიარქოს ახალგაზრდული ორგანიზაცია „დავითიანის“ ორგანიზებით, საპატრიარქოს სკოლების საშობაო-საახალწლო კონცერტი და ნაძვის ხის საზეიმო ანთება გაიმართა, რომელიც სრულიად საქართველოს კათოლიკოს-პატრიარქის ილია მეორის, აღსაყდრების 48-ე წლისთავს მიეძღვნა.

კონცერტში, საქართველოში არსებულ საპატრიარქოს სკოლებთან ერთად, მონაწილეობდა საპატრიარქოს თბილისის თამარ მეფის სახელობის ხელოვნების სკოლა.

ხელოვნების სკოლის ხალხურ საკრავთა ანსამბლი (ხელმძღვანელი მალხაზ ქოიავა) საზოგადოების წინაშე წარდგა შემდეგი პროგრამით:

1. აჭარული („ნენემ დამინიშნა ქალი“);

2. „ტიალო დარიალაო“

3 .პოპური...მუსიკა კინოფილმებიდან - „ფესვები“ და „რეკორდი“

4. საცეკვაო "ქართული"

ღონისძიებაზე წარმატებით გამოვიდა ოთხგზის საერთაშორისო ფესტივალების ლაურეატი, გოგონათა ფოლკლორული ანსამბლი (ხელმძღვანელი დალი დაბრუნდაშვილი), შემდეგი პროგრამით:

1. „ალილო“;

2. „ლაშარელა“.

3. „ჩაღმა ჩაყრილო ვენახო“.

ღონისძიებაში ასევე მონაწილეობდა ვაჟთა ფოლკლორული ანსამბლი (ხელმძღვანელი იონა (ტარიელ) ხუციშვილი).

იხილეთ ფოტო-ვიდეომალსა: