მისი თქმით, 2025 წელს თბილისში ორი ახალი საბავშვო ბაღის შენობა გაიხსნა, სადაც 1000-მდე აღსაზრდელი იღებს სკოლამდელ განათლებას; გრძელდება ხუთი საბავშვო ბაღის მშენებლობა, რომელთა ნაწილი 2026 წელს ეტაპობრივად შევა ექსპლუატაციაში; მიმდინარეობს სამი საბავშვო ბაგა-ბაღის ავარიული შენობების სრული რეაბილიტაცია/რეკონსტრუქცია და ასევე დაწყებულია სამზადისი ახალი სამშენებლო პროექტების განხორციელებისათვის 2026 წელს.

 

„საინტერესო წელი იყო სააგენტოსთვის, რადგან დასრულდა ორი დიდი ინფრასტრუქტურული პროექტი, დავიწყეთ ციფრული ტექნოლოგიების დანერგვა, რაც ითვალისწინებს ბავშვთა და პერსონალის აღრიცხვის ელექტრონულ ფორმაზე გადასვლას, საშუალოდ 25%-ით გაიზარდა ბაგა-ბაღების პერსონალის სახელფასო ანაზღაურება, გაიზარდა საზაფხულო ბაღების რაოდენობა და განხორციელდა არაერთი საინტერესო პროექტი პარტნიორ ორგანიზაციებთან, როგორც პერსონალის პროფესიული განვითარების, ისე ჰუმანიტარული მიმართულებით“, - განაცხადა სააგენტოს ხელმძღვანელმა.

 

თბილისის მერის მოადგილემ, კახა აბულაძემ განაცხადა, რომ წლის განმავლობაში 1000-მდე ბაღის თანამშრომელი გადამზადდა. პერსონალთა კვალიფიკაციის ამაღლება კი მომავალშიც გაგრძელდება.  

 

ღონისძიებაზე სიტყვით გამოვიდა პარლამენტის განათლების კომიტეტის თავმჯდომარე მარიამ ლაშხი, რომელმაც აღნიშნა, რომ პარლამენტი გააგრძელებს მუშაობას, აღმზრდელების ღირსეული ანაზღაურებისთვის.

 

„როდესაც სკოლამდელ განათლებაზე ვსაუბრობთ, ვსაუბრობთ ჩვენი შვილებისა და ქვეყნის მომავალზე, იმ ფუნდამენტზე, საიდანაც ბავშვები პიროვნულ განვითარებას იწყებენ. პარლამენტი გააგრძელებს მუშაობას, რათა აღმზრდელების ანაზღაურება ღირსეული იყოს, სკოლამდელი აღზრდის გარემო - სრულყოფილი, ინკლუზიური და საერთაშორისო სტანდარტების შესაბამისი“, - განაცხადა მარიამ ლაშხმა.