თელავის მუნიციპალიტეტის სოფელ იყალთოს საჯარო სკოლის მოსწავლეებმა საინტერესო სტუმარს უმასპინძლეს. 

ახალი წლის მოახლოებასთან ერთად ჩვენს სკოლას ესტუმრა პროფესიონალი შეფ-მზარეული, რომელმაც მოსწავლეებს ჩაუტარა სახალისო და საგანმანათლებლო მასტერკლასი.

მასტერკლასის ფარგლებში ბავშვებმა ისწავლეს

 • ხილის სწორად და უსაფრთხოდ დაჭრა;

 • ხილის ლამაზად და კრეატიულად გაფორმება;

 • საახალწლო სუფრის მხიარულად მოწყობა;

როგორც სკოლაში გვეუბნებიან, აქტივობამ ხელი შეუწყო ბავშვებში დამოუკიდებლობის, შემოქმედებითი უნარების და  ჯანსაღი კვების კულტურის განვითარებას.

მასტერკლასი მოსწავლეებისთვის სასწავლო-შემეცნებითთან ერთად, სახალისო და თავშესაქცევი აღმოჩნდა. 

იხილეთ ვიდეო