ქუთაისის N26 საჯარო სკოლის სცენაზე ცნობილი მიუზიკლები გაცოცხლდა
25-12-2025
ქუთაისის N26 საჯარო სკოლაში საახალწლო კარნავალი გაიმართა, რომელმაც მოსწავლეებისა და დამსწრე საზოგადოების განსაკუთრებული ემოციები გამოიწვია.
კარნავალს ჰქონდა მასშტაბური სახე და მასში პირველიდან მე-11 კლასის ჩათვლით მოსწავლეები მონაწიელობდნენ.
ღონისძიება გამორჩეული იყო მრავალფეროვანი სასცენო ნომრებითა და ფერადი სანახაობით. სცენაზე გაცოცხლდა ცნობილი მიუზიკლების ფრაგმენტები - „შობის ღამე“, „ბურატინო“, „მერი პოპინსი“, „კონკია“, „ქეთო და კოტე“, „ოპერის მოჩვენება“ , „თავისუფლება“, „კვაზიმოდო“ და „ზორო“.
მოსწავლეებმა თავიანთი შესრულებით მაყურებელს დაუვიწყარი საახალწლო განწყობა შეუქმნეს.
კარნავალმა გააერთიანა მუსიკა, ცეკვა და თეატრალური ელემენტები.
ღონისძიება მხურვალე აპლოდისმენტებითა და სადღესასწაულო განწყობით დასრულდა.
იხილეთ ფოტოები:
სკოლების სიახლეები
