ლიის თემის N2 საჯარო სკოლის მე-4 კლასელებისთვის სახალისო ვიქტორინა მოეწყო
23-12-2025
წალენჯიხის მუნიციპალიტეტის ლიის თემის N2 საჯარო სკოლის პედაგოგები მოსწავლეთა მოტივაციასა და განწყობის ამაღლებაზე აქტიურად ზრუნავენ და ახალი წლის დამდეგს სასწავლო-შემეცნებითთან ერთად სახალისო აქტივობებით ანებივრებენ.
დღეს, 23 დეკემბერს, ლიის თემის N2 საჯარო სკოლის მე-4 კლასის დამრიგებელმა, თამილა ჭაჭუამ მოსწავლეებს შესთავაზა სახალისო ვიქტორინა, რომელსაც სკოლის ადმინისტრაცია და დაწყებით კლასების კათედრის წევრები ესწრებოდნენ.
მოსწავლეებმა საკუთარი შესაძლებლობები ბრწყინვალედ წარმოაჩინეს - დამსწრე საზოგადოებას საახალწლო ნომრებიც შესთავაზეს და ერთმანეთს სადღესასწაულო განწყობაც გაუზიარეს.
დასასრულს კლასის დამრიგებელმა სიურპრიზი მოუწყო მოსწავლეებს. პედაგოგმა მათ საჩუქრად ტკბილეული გადასცა.
იხილეთ ფოტოები:
სკოლების სიახლეები
საქართველოს საპატრიარქოს წმიდა თამარ მეფის სახელობის სკოლა-გიმნაზიაში „ვერის უბნის მელოდიები“ დაიდგა
