„ტკბილი დღე“ კორხის საჯარო სკოლაში
23-12-2025
ახალქალაქის მუნიციპალიტეტის სოფელ კორხის საჯარო სკოლაში სასწავლო პროცესი გაჯერებულია საინტერესო საგანმანათლებლო ინიციატივებით.
ახლახან, მე-11 კლასის მოსწავლეებმა სამოქალაქო განათლების გაკვეთილზე თემა - „ბიზნესის სამართლებრივი გარემო“ შეისწავლეს. თემის უკეთ გასააზრებლად კი საინტერესო პროექტი განახორციელეს. მოსწავლეებმა სკოლაში „ტკბილი დღე“ მოაწყვეს. მე-11 კლასელებმა საგნის მასწავლებელთან ერთად ტკბილეული გამოაცხვეს და დერეფნებში გაყიდეს.
როგორც სკოლაში გვეუბნებიან, მოსწავლეებმა სააქციო საზოგადოების მნიშვნელობაც შეისწავლეს და ბიზნესის არსიც უკეთ გაიაზრეს.
იხილეთ ფოტოები:
სკოლების სიახლეები
საქართველოს საპატრიარქოს წმიდა თამარ მეფის სახელობის სკოლა-გიმნაზიაში „ვერის უბნის მელოდიები“ დაიდგა
