ცაგერის მუნიციპალიტეტის სოფელ დეხვირის საჯარო სკოლის მასწავლებელმა ქრისტინე ჭაბუკიანმა, პროექტის - „გმირის დღე“ ფარგლებში საინტერესო პრეზენტაცია ჩაატარა.
აღსანიშნავია, რომ ქვეყნის მასშტაბით მიმდინარეობს პროექტი - „გმირის დღე“, რომელსაც ხელმძღვანელობს პარლამენტში ქალთა და ბავშვთა საკითხებზე მომუშავე დროებითი კომისიის დეპუტატი - მარიამ ლაშხი.
პროექტის ფარგლებში, ცაგერის მუნიციპალიტეტის მერიის, განათლების, კულტურისა და სპორტის სამსახურის მიერ ორგანიზებული საჯარო ლექცია ჩატარდა მოსწავლე-ახალგაზრდობის სახლში.
პრეზენტაცია წარადგინა დეხვირის საჯარო სკოლის ქართული ენისა და ლიტერატურის მასწავლებელმა - ქრისტინე ჭაბუკიანმა.
ღონისძიება დაეთმო წმინდა მაქსიმე აღმსარებლის ცხოვრებასა და მოღვაწეობას. მისი ღვაწლისა და გმირობის გზას.
საჯარო ლექციას ესწრებოდნენ: ცაგერის მუნიციპალიტეტის მერის პირველი მოადგილე - რევაზ ახვლედიანი, ცაგერის მუნიციპალიტეტის საკრებულოს თავმჯდომარის მოადგილე, ქალთა და ბავშვთა უფლებებზე მომუშავე მუნიციპალური საბჭოს თავმჯდომარე მარიკა კოპალიანი, განათლების, კულტურისა და სპორტის სამსახურის უფროსი - გოგი კვირიკაშვილი.
„მადლობას გიხდით თითოეულ მსმენელსა და დამსწრე საზოგადოებას ჩართულობისათვის!“,- აღნიშნავს პედაგოგი.
იხილეთ ფოტოები:
