ნინოწმინდის მუნიციპალიტეტის სოფელ უჩმანის საჯარო სკოლის პირველკლასელებისთვის ქართული ენის გაკვეთილი ზეიმად იქცა. 

ამ დღეს პატარებმა სახელმწიფო ენის სწავლა დაიწყეს. ზეიმი „აი ია“ ქართულის, როგორც მეორე ენის მასწავლებლის - მალვინა ამირხანიანის ორგანიზებით გაიმართა და მოსწავლეებს დიდი სიხარული აჩუქა. 

პედაგოგმა ბავშვები არაერთ საინტერესო თუ სახალისო აქტივობაში ჩართო და მრავალფეროვანი სასწავლო რესურსი შესთავაზა. 

მოსწავლეები პირველ ასო-ბგერებს ინტერესით გაეცნენ და წინასაანბანო პერიოდში შეძენილი ცოდნაც წარმატებით წარმოაჩინეს. ისინი მასწავლებელს დაჰპირდნენ, რომ ქართულ ენას ხალისითა და დიდი შემართვებით ისწავლიან. 

იხილეთ ფოტოები: