
თელავის მუნიციპალიტეტის სოფელ იყალთოს საჯარო სკოლის მოსწავლეთა სასკოლო ცხოვრება გაჯერებულია საინტერესო საგანმანათლებლო ინიციატივებით.
ახლახან, სკოლის დირექციის მხარდაჭერით, VII-XII კლასებში, განხორციელდა პროექტი - „ვინ ვარ მე?!“
როგორც სკოლაში გვეუბნებიან, პროექტის ფარგლებში განხორციელებული აქტივობები მიზნად ისახავდა მოსწავლეების თვითშემეცნებას - საკუთარ თავში ჩაღრმავებას, პიროვნული თვისებების, როლისა და მიზნების გააზრებას.
დასრულდა აღნიშნული პროექტის მხოლოდ პირველი ეტაპი. მეორე სემესტრიდან განხორციელდება აქტივობები თემებზე - თვითშეფასება, თავდაჯერებულობა, პროფესიული ინტერესები.
იხილეთ ფოტოები: