გარდაბნის მუნიციპალიტეტის სოფელ მუხროვანის საჯარო სკოლის დირექტორ სვეტლანა სუხორუკოვასთვის სასკოლო გარემო ბავშვის ფორმირებისა და მისი პოტენციალის გამოვლენა-განვითარების საფუძველს ქმნის. ამიტომ სკოლაში უსაფრთხო, მხარდამჭერ და მამოტივირებელ საგანმანათლებლო სივრცეს უზრუნველყოფს.
დირექტორისთვის ყველაზე ფასეული მოსწავლის კეთილდღეობა და განვითარებაა, მოსწავლის წინსვლა და წარმატება კი - მისთვის ყველაზე დიდი მოტივაციის წყარო.
etaloni.ge-ს ბლიც-კითხვებს მუხროვანის საჯარო სკოლის დირექტორი სვეტლანა სუხორუკოვა პასუხობს.
- მოსწავლის განვითარებისთვის მნიშვნელოვანია, რომ სკოლაში იყოს...
- უსაფრთხო, მხარდამჭერი და მასტიმულირებელი გარემო, სადაც მოსწავლე თავს იგრძნობს დაფასებულად, მოტივირებულად. ექნება შესაძლებლობა საკუთარი უნარების სრულად გამოსავლენად.
- სკოლის წარმატება იზომება იმით, რომ...
- თუ სკოლაში არის პოზიტიური გარემო და პედაგოგები და მშობლები ერთობლივად მუშაობენ ბავშვის კეთილდღეობისათვის.
- კოლექტივის თანადგომა საჭიროა, რადგან...
- თანამშრომლობა, მხარდაჭერა და ურთიერთპატივისცემა ზრდის სამუშაოს ხარისხს, ამარტივებს სირთულეებთან გამკლავებას და ქმნის პოზიტიურ ერთიან გარემოს.
- სკოლაში ყველაზე ფასეული ჩემთვის არის...
- მოსწავლის კეთილდღეობა, მისი განვითარება და ის პოზიტიური გარემო, სადაც
თითოეული მოსწავლე თავს უსაფრთხოდ, დაფასებულად და მოტივირებულად გრძნობს.
- როდესაც ვხედავ, რომ მოსწავლე მოტივირებულია, ვგრძნობ, რომ...
- ჩემი მუშაობა შედეგს იძლევა, მოსწავლე ვითარდება და მეტი ენერგია და სურვილი მიჩნდება უფრო შევუწყო ხელი.
- რთულ სიტუაციებში სამართლიანობის შენარჩუნება ნიშნავს...
- ემოციების კონტროლს, ობიექტურ გადაწყვეტილებას, ყველა მხარის მოსმენას და ისეთ ნაბიჯების გადადგმას, რომლებიც თანაბრად პატივს სცემს თითოეული ადამიანის უფლებებსა და ღირსებას.
- მომავალში ვისურვებდი, რომ ჩვენი სკოლა იყოს ადგილი, სადაც...
- ამ კითხვაზე განვმეორდები: ყოველთვის იქნება პოზიტიური გარემო და პედაგოგები და მშობლები ერთობლივად იმუშავებენ ბავშვის კეთილდღეობისათვის.
