
ნინოწმინდის მუნიციპალიტეტის სოფელ გორელოვკის N3 და სპასოვკის N1 საჯარო სკოლების მოსწავლეებისთვის ჩატარდა ინგლისური ენის მართლწერის კონკურსი, რომელსაც ორგანიზება ინგლისური ენის მასწავლებლმა ნატო ვანაძემ გაუწია.
როგორც პედაგოგი გვეუბნება, Spelling Bee 2025 - ნიმოწმინდის მუნიციპალიტეტის სოფელ სპასოვკის N1 და გორელოვკის N3 საჯარო სკოლების ერთობლივი ღონისძიებაა, რომელიც სკოლებში განსაკუთრებულად მოტივაციის მომცემი აღმოჩნდა.
გაერთიანებულად ჩატარდა Spelling Bee-ს კონკურსი მე-6-მე-7 კლასების მოსწავლეებისთვის, რაშიც ამ ორი სკოლის მოსწავლეებმა მეგობრულად და დიდი ენთუზიაზმით მიიღეს მონაწილეობა.
მოსწავლეებმა გამოავლინეს შესანიშნავი უნარები:
კონკურსის დასასრულს გამოვლინდა სამი საპრიზო ადგილი, რომლებმაც განსაკუთრებული ცოდნა, ყურადღება და გამორჩეული შრომისმოყვარეობა დაგვანახეს.
I ადგილი ილია ვანაძე;
II ადგილი-ირაკლი მარკოიძე;
III ადგილი-მანუჩარ მიქელაძე.
ყოველი მონაწილე იყო ღირსეული და ძლიერი კონკურენტი, მათ გადაეცათ მონაწილეობის სერტიფიკატები ხოლო გამარჯვებულებმა დაიმსახურეს აპლოდისმენტები, პრიზები და პატარა „ჩემპიონთა“ რიგებში განსაკუთრებული ადგილი!
კონკურსი იყო ძალიან ემოციური, სახალისო და თან შემეცნებითი. ბავშვებმა კიდევ ერთხელ დაამტკიცეს, რომ სწორი მოტივაციით შეუძლებელი არაფერია.
„დიდი მადლობა თითოეულ მონაწილეს, სკოლების ადმინისტრაციას შესაძლებლობისათვის და უზარმაზარი ბრავო ჩვენს პატარა „სპელერებს“ — ვამაყობ თქვენით!“,-აღნიშნავს პედაგოგი.
იხილეთ ფოტოები: