ახალი წელი ახლოვდება და სადღესასწაულოდ სხვადასხვა სტრუქტურის თანამშრომლებისთვის აქტუალურია საკითხი - „მიიღებენ თუ არა წინასაახალწლოდ ფინანსურ წახალისებას“?
თემის აქტუალობიდან გამომდინარე, etaloni.ge-მ გადაწყვიტა გაერკვია, დაერიცხებათ თუ არა პრემია ბაღების პერსონალს, რისთვისაც თბილისის ბაგა-ბაღების მართვის სააგენტოს ცხელ ხაზს მივმართეთ.
მათი განმარტებით, სააღმზრდელო დაწესებულებების პერსონალი წინასახალწლოდ „პრემიას“ მიიღებს, რომელიც ხელფასის 100 პროცენტს შეადგენს:
„დიახ, ფულადი ჯილდო დაირიცხება, ხელფასის 100 პროცენტი“, - გვითხრეს სააგენტოში.
რეგიონების ბაღების ფინანსური უზრუნველყოფის საკითხს კი ადგილობრივი მუნიციპალიტეტები არეგულირებენ და დანამატის შესახებ გადაწყვეტილებებსაც ისინი იღებენ, შესაბამისად, ერთიანი დოკუმენტი სკოლამდელი სააღმზრდელო დაწესებულებების პერსონალისთვის დანამტისა თუ პრემიის გაცემაზე, არ არსებობს.
