„როგორ იკარგება ინფორმაცია“ - ქუთაისის N32 სკოლის მედიაწიგნიერების კლუბის საინტერესო ექსპერიმენტი
10-12-2025
ავთანდილ დეკანოიძის სახელობის ქალაქ ქუთაისის N32 საჯარო სკოლის მოსწავლეები ცრუ და ნამდვილი ინფორმაციის გარჩევას საკლუბო მუშაობის ფარგლებში სწავლობენ. სკოლაში წარმატებით მუშაობს მედიაწიგნიერების კლუბი.
მედიაწიგნიერების კლუბის მორიგი შეხვედრის თემა იყო - „როგორ იკარგება ინფორმაცია: ექსპერიმენტი, სახელად - „ინფორმაციის გადაცემა“.
როგორც სკოლაში გვეუბნებიან, ამ ექსპერიმენტის მიზანი იყო ეჩვენებინა, თუ რატომ არის მნიშვნელოვანი კრიტიკული აზროვნება და პირველწყაროს გადამოწმება თანამედროვე ინფორმაციულ ეპოქაში.
ექსპერიმენტის შემდეგ Მოსწავლეებმა დაასკვნეს:
- ინფორმაცია იკარგება და იცვლება;
- პირველწყარო უმნიშვნელოვანესია. რაც უფრო შორს ვართ ნამდვილი ინფორმაციისგან, მით უფრო დამახინჯებული შეიძლება იყოს ამბავი;
- ზუსტად ამ პრინციპით ვრცელდება გადაუმოწმებელი ინფორმაცია სოციალურ ქსელებში;
- წყაროს გადამოწმება აუცილებელია!
„ნებისმიერი ინფორმაცია რომ გავაზიაროთ ან დავიჯეროთ, პირველ რიგში უნდა შევამოწმოთ“,- ერთხმად აღნიშნეს მოსწავლეებმა.
იხილეთ ფოტოები:
სკოლების სიახლეები
