საქართველოს საპატრიარქოს წმიდა თამარ მეფის სახელობის სკოლა-გიმნაზიის 400-ზე მეტი მოსწავლე ღვთისმშობლის ტაძრად მიყვანების დღესასწაულზე ეზიარა
10-12-2025
საქართველოს საპატრიარქოს წმიდა თამარ მეფის სახელობის სკოლა-გიმნაზიაში ღვთისმშობლის ტაძრად მიყვანების დღესასწაული აღნიშნეს.
სადღესასწაულო წირვაზე წმიდა ტბელ აბუსერისძის ტაძარში, სკოლა-გიმნაზიის 400-ზე მეტი მოსწავლე ეზიარა.
სკოლის დირექციამ სასკოლო საზოგადოებას დღესასწაული დიდი სიყვარულით მიულოცა.
„სკოლა-გიმნაზიის მოსწავლეებს, პედაგოგებს, მოსწავლეთა მშობლებს და თანამშრომლებს - გილოცავთ ყოვლადწმიდა ღვთისმშობლის ტაძრად მიყვანების დღესასწაულს“,- აღნიშნულია სკოლის მისალოც წერილში.
მართლმადიდებელი ეკლესია ღვთისმშობლის ტაძრად მიყვანებას 4 დეკემბერს დღესასწაულობს. ღვთისმშობლის ტაძრად მიყვანება არის 12 საუფლო დღესასწაულიდან ერთ-ერთი.
იხილეთ ფოტოები:
სკოლების სიახლეები
