თბილისის N28 საჯარო სკოლის მოსწავლეთა სასკოლო ცხოვრება გაჯერებულია საინტერესო, მათ განვითარებასა და მოტივირებაზე ორიენტირებული აქტივობებით.
ახლახან, სკოლის მე-6, მე-7 და მე-8 კლასის მოსწავლეები 112-ის საგანგებო სიტუაციების მართვის ცენტრს სტუმრობდნენ.
ბავშვებმა დაათვალიერეს ცენტრი, გაეცნენ ოპერატორების მუშაობას და ნახეს, როგორ იღებენ გადაუდებელ ზარებს. მათ აუხსნეს, როდის და როგორ უნდა დარეკონ 112-ში.
ვიზიტის ბოლოს გაიმართა ფილმის ჩვენება უსაფრთხოების შესახებ. როგორც სკოლაში გვეუბნებიან, შეხვედრა იყო საინტერესო და სასარგებლო.
გასვლით აქტივობას პედაგოგები: ასმათი იობაშვილი, ეკატერინე ოქროპირიძე და ლიანა ქსოვრელი ხელმძღვანელობდნენ.
ინტერაქციულმა ვიზიტმა, ხელი შეუწყო მოსწავლეთა ცნობიერების ამაღლებას უსაფრთხოების წესებსა და მოქალაქეობრივი პასუხისმგებლობის შესახებ.
იხილეთ ფოტოები:
