გორელოვკის N3 სკოლის მოსწავლეებს მუსიკისა და ქართული ლიტერატურის ინტეგრირებით საინტერესო გაკვეთილი ჩაუტარდათ
09-12-2025
ნინოწმინდის მუნიციპალიტეტის სოფელ გორელოვკის N3 საჯარო სკოლის პედაგოგები სწავლებისას საინტერესო სასწავლო მეთოდებსა და სტრატეგიებს მიმართავენ.
აღსანიშნავია, საინტერესო ინტეგრირებული გაკვეთილი მუსიკასა და ქართულ ენალიტერატურაში, რომლის თემა იყო - „იავნანამ რა ჰქმნა?!“
გაკვეთილზე მოსწავლეებმა „იავნანას“ ემოციურ დატვირთვაზე ისაუბრეს. ლიტერატურული ტექსტის გააზრების პარალელურად, მათ ყურადღება გაამახვილეს იმ გავლენაზე რასაც ბავშვის ემოციურ სამყაროზე ახდენს.
ინტეგრირებულმა ფორმატმა მონაწილეებს მისცა შესაძლებლობა, მუსიკისა და ლიტერატურის ჭრილში დაენახათ ქართული ფოლკლორის სიმდიდრე, განევითარებინათ მსჯელობის, მოსმენისა და შემოქმედებითი აზროვნების უნარები.
გაკვეთილი მოსწავლეთა აქტიური ჩართულობით, საინტერესოდ წარიმართა.
იხილეთ ფოტოები:
სკოლების სიახლეები
