წალენჯიხის მუნიციპალიტეტის ობუჯის თემის N2 საჯარო სკოლის მოსწავლეებმა შემოდგომას შემოქმედებითი ღონისძიება მიუძღვნეს.
დაწყებითი კლასის მოსწავლეებმა საკუთარი სოფლის ბარაქიანი შემოდგომა წარმოადგინეს და დამსწრე საზოგადოება საინტერესო ღონისძიებით მოხიბლეს.
პატარებმა ფერადოვანი კომპოზიციებით, სეზონური ნობათითა და პატარა წარმოდგენებით სკოლაში საოცარი განწყობა დაატრიალეს და შემოდგომა მთელი თავისი დიდებულებით წარმოაჩინეს, სოფლის სილამაზესა და ბარაქას კი ხოტბა შეასხეს.
ისაუბრეს, თუ რა მნიშვნელობა აქვს შრომას და ლამაზი ტრადიციების შენარჩუნებას.
როგორც სკოლაში გვეუბნებიან, ღონისძიების საინტერესოდ წარმართვაში მოსწავლეებს დაეხმარნენ მასწავლებლები - მირანდა მოლაშხია, თამარა მაქაცარია, მზევინარ ქობალია და დარეჯან მოლაშხია, რომელიც მოსწავლეთა შემოქმედებითი ნიჭისა და უნარების წარმოჩენა-განვითარებაზე აქტიურად ზრუნავენ.
იხილეთ ფოტოები:
