მარტვილის მუნიციპალიტეტის სოფელ გურძემის საჯარო სკოლის პედაგოგები მოსწავლეებს სწავლებისას სხვადასხვა სასწავლო მეთოდსა და აქტივობას სთავაზობენ და ბავშვებს გაკვეთილებს უმრავალფეროვნებენ.
10 ნოემბერს, VI კლასში ჩატარდა პროექტ-გაკვეთილი - „მსოფლიოს ექვსი კონტინენტი“, რომელსაც მასწავლებელი თეა ჯგერენაია ხელმძღვანელობდა.
პროექტის მიზანი იყო კონტინენტების გაცნობა, ამოცნობა რუკაზე და გლობუსზე. ოკეანეების, ზღვების, ყურეების, სრუტეების, კუნძულების, ნახევარკუნძულების ობიექტების შესწავლა და აღწერა. მათი მდებარეობისა და ურთიერთმიმართების განსაზღვრა.
მოსწავლეებმა მიღებული ინფორმაციის შედეგად წარმართეს პრეზენტაცია და დაამზადეს კონტინენტების მოდელი.
პროექტმა ხელი შეუწყო მოსწავლეებს მიღებული ცოდნის გაღრმავებაში და შემოქმედებითი უნარების განვითარებაში.
იხილეთ ფოტოები:
