„ვიკვლევთ, ვხატავთ, ვმღერით“ - ბახვის საჯარო სკოლის მოსწავლეებმა უცხოენოვანი პროექტი საინტერესოდ შეაჯამეს
03-12-2025
ოზურგეთის მუნიციპალიტეტის სოფელ ბახვის საჯარო სკოლაში პროექტებით სწავლება წარმატებით მიმდინარეობს.
2 დეკემბერს, ბახვის საჯარო სკოლის რუსული ენის მასწავლებლმა მარინე ჩხაიძემ ჩაატარა შემაჯამებელი დასკვნითი გაკვეთილი პროექტისა – „პირველი ნაბიჯები რუსული ენის სამყაროში!“
პროექტი, რომლის დევიზი იყო - „ვიკვლევთ, ვხატავთ, ვმღერით“, მე-5 კლასის მოსწავლეების ლექსიკური მარაგის გამდიდრებასა, ცოდნის განმტკიცებასა და რუსული ენის უკეთ დაუფლებას ემსახურებოდა.
მოსწავლეებმა, რომლებიც რუსული ენის სწავლას წელს შეუდგნენ, პროექტზე მუშაობის ფარგლებში:
- მოიძიეს ლექსები და სიმღერები რუსულ ანბანზე;
- შეისწავლეს ინფორმაცია რუსული ანბანის (კირილიცა) წარმოშობის შესახებ;
- შექმნეს ნახატები ასოებზე;
- მოაწყვეს სტენდი შექმნილი ნახატებით;
- წარადგინეს კომპიუტერული პრეზენტაციები მოძიებული მასალებით.
პროექტის მიზანი იყო კითხვის, ლაპარაკისა და სწორი მეტყველების უნარის განვითარება. შედეგად, მოსწავლეებმა:
- გაიმდიდრეს ლექსიკური მარაგი;
- გამოიმუშავეს კვლევა-ძიების, პრეზენტაციის და თანატოლებთან თანამშრომლობის უნარ-ჩვევები;
- გაეზრდათ მოტივაცია რუსული ენის უკეთ შესწავლისთვის.
სკოლის დირექცია პედაგოგსა და მის მოსწავლეებს წარმატებას უსურვებს.
იხილეთ ფოტოები:
სკოლების სიახლეები
