„მუსიკალური სამეფო“ - თხინვალის საჯარო სკოლის მე-3 კლასელთა შემოქმედებითი ღონისძიება
03-12-2025
ოზურგეთის მუნიციპალიტეტის სოფელ თხინვალის საჯარო სკოლაში მუსიკამ და ხელოვნებამ იზეიმა.
ხელოვნების პედაგოგმა - ლანა ბაღიშვილმა მე-3 კლასის მოსწავლეებთან ერთად, წარმოადგინა ღონისძიება სახელწოდებით - „მუსიკალური სამეფო“.
მე-3 კლასელები დამსწრე საზოგადოების წინაშე თვალწარმტაცი სანახაობით წარდგნენ. როგორც სკოლაში გვეუბნებიან, მოსწავლეებმა თავიანთი ჩანაფიქრით, ხელოვნების და მუსიკის შერწყმით, ფერი და ხმა გააერთიანეს.
ბავშვებმა შემოქმედებითი ნიჭი და შესაძლებლობები წარმატებით წარმოაჩინეს, პედაგოგი სიამაყით აავსეს, მშობლები კი ემოციებით.
„ისინი ერთად დიდ სამყაროს ქმნიან, სადაც ბავშვების თვალები ბედნიერებას ანათებს“,- ამბობენ სკოლაში და ახარებთ მოსწავლეთა შემოქმედებითობა.
იხილეთ ფოტოები:
სკოლების სიახლეები
