ცაგერის მუნიციპალიტეტის სოფელ დეხვირის საჯარო სკოლის სასკოლო-სასწავლო ნაკვეთში წლებია ითესება ქართული ხორბლის ავთენტური ჯიშები - „მახა“, „ზანდური“, ზამთარ-ზაფხულ ბიბინებს ჯეჯილი და ოქროყანა პურისა.
ახლახან, სკოლას სტუმრად ეწვია სოფლის განვითარების სააგენტოს ცაგერის საინფორმაციო - საკონსტიტუციო ცენტრის წამყვანი სპეციალისტი ბონდო ხეცურიანი, რომელმაც საინფორმაციო ჩაატარა მეტად საჭირო და საინტერესო შეხვედრა ბიომრავალფეროვნებისა და მეწარმეობის მიმართულებით.
სტუმარმა მოსწავლე-მასწავლებლებს საჩუქრად გადასცა ხორბლის ენდემური სახეობები, რომლის დათესვის პროცესში თავადაც აქტიურად ჩაერთო.
მზის სხივებით გამთბარი შემოდგომის თბილი დღე წარიმართა ხალისითა და იმედიანი შეძახილით - „ერთი ასად!“, „ერთი ასად!“...
„მადლობა მას თანამშრომლობისა და დახმარებისთვის! ყოველი ახალი საქმე და ახალი სიცოცხლე იმედი და წარმატებაა ჩვენი სკოლის!“,- აღნიშნავენ სკოლაში და ახალ მოსავალს ელოდებიან.
იხილეთ ფოტოები:
