ეშტიის N2 საჯარო სკოლაში შემოდგომას ლამაზი ღონისძიება მიეძღვნა
03-12-2025
ნინოწმინდის მუნიციპალიტეტის სოფელ ეშტიის N2 საჯარო სკოლის მოსწავლეებმა შემოდგომა შემოქმედებითი ღონისძიებით გააცილეს.
25 ნოემბერს, სკოლაში საოცარი საშემოდგომო განწყობა დატრიალდა. თემატურად გაფორმებულ გარემოში მე-6 კლასელებმა წარადგინეს ლამაზი ნომრები, მხატვრული კომპოზიციები, წაიკითხეს ლექსები, შეასრულეს სიმღერები, ცეკვები, ჩაერთნენ საინტერესო შეჯიბრებებში და გამოცანებსაც წარმატებით გაართვეს თავი.
ღონისძიებას ორგანიზება გაუწია კლასის დამრიგებელმა - ვარდიტერ გრაბსკაიამ.
მსგავსი აქტივობები ხელს უწყობს მოსწავლეთა შემოქმედებითი უნარების წარმოჩენა-განვითარებას და მათ მოტივირება-წახალისებას.
სკოლების სიახლეები
