დაბა ლენტეხის N1 საჯარო სკოლის STEAM პროექტი ეროვნული კონკურსის ერთ-ერთი გამარჯვებულია
02-12-2025
დაბა ლენტეხის N1 საჯარო სკოლის STEAM პროექტმა ეროვნულ კონკურსზე ბრწყინვალე წარმატება მოიპოვა.
STEAM პროექტების ეროვნული კონკურსის - „მომავლის საქართველო 2025“ დასკვნითი კონფერენცია თბილისში გაიმართა.
კონფერენციაზე ქვეყნის მასშტაბით შერჩეული 30 საუკეთესო STEAM პროექტი იყო წარმოდგენილი. მათ შორის სსიპ დაბა ლენტეხის N1 საჯარო სკოლის პროექტი - „მომავლის ქალაქი“.
ღონისძიების ფარგლებში გამარჯვებულებს გადაეცათ შესაბამისი სერტიფიკატები და ფულადი ჯილდო, STEAM რესურსების შესაძენად.
„მადლობა პროექტის ავტორებს, სკოლის დირექციას და ყველა ადამიანს ვისაც სჯეროდა, რომ ჩვენ ეს გამოგვივიდოდა“,- აღნიშნავენ სიამაყით სკოლაში.
იხილეთ ფოტოები:
სკოლების სიახლეები
