ახალქალაქის მუნიციპალიტეტის სოფელ პტენის საჯარო სკოლის მე-7 კლასში ფიზიკის ინტერაქტიული და შემეცნებითი გაკვეთილი ჩატარდა.
გაიმართა პრეზენტაცია თემაზე - „სამყარო დიფუზიის გარეშე“, რომელსაც პედაგოგი გულნაზი კოჩალიძე ხელმძღვანელობდა.
გაკვეთილი მეტად საინტერესოდ წარიმართა, მე-7 კლასელმა პრეზენტაციის მეშვეობით წარმოაჩინა, თუ როგორი იქნებოდა სამყარო დიფუზიის პროცესის გარეშე.
პრეზენტატორმა აუდიტორიას აუხსნა რა არის დიფუზია, რთული ფიზიკური მოვლენა მარტივად და გასაგებად ახსნა და სხვადასხვა ყოველდღიური მაგალითით წარმოაჩინა, რა მოხდებოდა ამ პროცესის არარსებობის შემთხვევაში.
მსგავს აქტივობებს მნიშვნელოვანი როლი აქვს სწავლების პროცესში, რადგან მოსწავლეები ცოდნას არა მხოლოდ ეუფლებიან, არამედ პრაქტიკულად იყენებენ და თავიანთი ნაშრომის პრეზენტირებასაც სწავლობენ.
იხილეთ ფოტოები:
