ჩოხატაურის მუნიციპალიტეტის სოფელ ერკეთის საჯარო სკოლის IV კლასის მოსწავლეებისთვის განსაკუთრებული განსაკუთრებული გასვლითი ღონისძიება მოეწყო - ისინი გურიის საგანგებო სიტუაციების მართვის მთავარი სამმართველოს ჩოხატაურის სახანძრო-სამაშველო განყოფილებას ესტუმრნენ.
ბავშვებმა ახლოდან გაიცნეს მეხანძრე-მაშველთა პროფესია, დაათვალიერეს სპეციალური აღჭურვილობა და ტექნიკა, გაეცნენ მათი საქმიანობის სპეციფიკას და მნიშვნელობას.
ღონისძიება მიზნად ისახავდა მოსწავლეებისთვის მეხანძრე-მაშველის პროფესიის სპეციფიკის გაცნობას.
სკოლაში მადლობას უხდიან მეხანძრე-მაშველებს გულითადი დახვედრისა და საინტერესო საინფორმაციო შეხვედრისთვის.
„გვსურს, გულთბილი მასპინძლობისთვის დიდი მადლობა გადავუხადოთ საგანგებო სიტუაციების მართვის სამსახურის გურიის საგანგებო სიტუაციების მართვის მთავარი სამმართველოს ჩოხატაურის სახანძრო-სამაშველო განყოფილების თანამშრომლებს. თქვენ გვაჩვენეთ, რომ პროფესიონალიზმი და ადამიანურობა ყოველთვის მაგალითია მომავალი თაობისთვის!“,- აღნიშნავენ სკოლაში.
იხილეთ ფოტოები:
