ქუთაისის N24 სკოლის მოსწავლეები დირექციისა და პედაგოგთა მხარდაჭერით, აქტიურად მონაწილეობენ სხვადასხვა კონკურსსა თუ საგანმანათლებლო პროექტში, წარმოაჩენენ ცოდნას, ნიჭსა და შესაძლებლობებს.
მათ შორისაა, ნია აბულაძე, რომელმაც მხატვრული კითხვის საქალაქო კონკურში - „ვკითხულობთ გალაკტიონს“ მოიპოვა წარმატება. მოსწავლის პედაგოგი ხატია ფხაკაძე გახლავთ.
მოსწავლე კონკურსში წარმატებული მონაწილეობისთვის ქუთაისის მოსწავლე-ახალგაზრდობის სასახლეში საზეიმოდ დაჯილდოვდა.
დაჯილდოების ცერემონიალი გახსნა სასახლის დირექტორმა მარინე მარჯანიშვილმა. დაჯილდოებას ესწრებოდნენ: ააიპ კულტურულ საგანმანათლებლო სახელოვნებო დაწესებულებათა გაერთიანების მმართველი ვაჟა ჯუღელი, მმართველის მოადგილე ელისო ქაროსანიძე.
სკოლაში ნია აბულაძეს წარმატება ულოცავენ და ახალი მწვერვალების დაპყრობას უსურვებენ.
„ვულოცავთ, ნია აბულაძეს მხატვრული კითხვის საქალაქო კონკურში „ვკითხულობთ გალაკტიონს“ , წარმატებულ მონაწილეობას.
სკოლის სახელით მადლობას ვუხდით კონკურსის ორგანიზატორებს.ვუაურვებთ წარმატებებსა და წინსვლას“,- აღნიშნავენ სკოლაში.
იხილეთ ფოტოები:
