ახალქალაქის მუნიციპალიტეტის კორხის საჯარო სკოლაში მოსწავლეთა მრავალმხრივი განვითარებისა და მათი შემოქმედებითობის წახალისების მიზნით, არაერთი ღონისძიება იმართება.
ახლახან, საჯარო სკოლაში ჩატარდა საშემოდგომო აქტივობა - „ოქროსფერი შემოდგომა“, რომელშიც მე-2, მე-3, მე-4 და მე-5 კლასების მოსწავლეები მონაწილეობდნენ.
ღონისძიება-აქტივობა განხორციელდა ბილინგური სწავლების სპეციალისტების ხელმძღვანელობით, არაფორმალური განათლების ფარგლებში, სადაც მოსწავლეებმა წარადგინეს სხვადასხვა ნომრები ცეკვები და სიმღერები.
ბავშვები ასევე გაეცნენ ყურძნის დაწურვის რიტუალს და ჩურჩხელებიც ამოავლეს საკუთარი ხელით.
ღონისძიების ხელმძღვანელები მადლობას უხდიან სკოლის დირექციას მხარდაჭერისთვის, მოსწავლეებს კი კიდევ არაერთ საინტერესო თუ სახალისო აქტივობას ჰპირდებიან.
იხილეთ ფოტოები:
