ლექსები, მუსიკალური ნომრები და ზღაპრული სასცენო წარმოდგენები - აშკალის საჯარო სკოლის მოსწავლეთა ორენოვანი საშემოდგომო ღონისძიება
27-11-2025
წალკის მუნიციპალიტეტის სოფელ აშკალის საჯარო სკოლაში მოსწავლეთა სასკოლო ცხოვრება გამდიდრებულია მრავალფეროვანი როგორც სასწავლო-შემეცნებითი, ისე საზეიმო თუ გასართობი ღონისძიებებით, რაც მოსწავლეთა როგორც ცოდნის, ისე შემოქმედებითი ნიჭისა და უნარების განვითარება-წახალისებას ემსახურება.
20 ნოემბერს აშკალის საჯარო სკოლაში გაიმართა საშემოდგომო თემატიკისადმი მიძღვნილი სასკოლო ღონისძიება, რომელიც ორ ენაზე - ქართულ და სომხურ ენებზე - წარიმართა. ღონისძიებას ინტეგრირებულ-საგანმანათლებლო ხასიათი ჰქონდა, რადგან მოსწავლეებმა შემოდგომის თემატიკა ენობრივ-კომუნიკაციური უნარების მრავალმხრივი ფორმით წარმოადგინეს.
მათ ქართულ და სომხურ ენებზე შეასრულეს ლექსები, მუსიკალური ნომრები და ზღაპრული სასცენო წარმოდგენები.
იხილეთ ფოტოები:
სკოლების სიახლეები
