ნინოწმინდის მუნიციპალიტეტის სოფელ განძის N2 საჯარო სკოლაში მოსწავლეთა როგორც ცოდნის, ისე შემოქმედებითი ნიჭისა და უნარების განვითარების მიზნით, არაერთი ღონისძიება იმართება.
აღსანიშნავია, სახვითი და გამოყენებითი ხელოვნების მასწავლებლის - ვანიკ თევანიანის ხელმძღვანელობით გამართული ღონისძიება - „შემოდგომის ფერების ბორბალი“, რომელმაც როგორც მოსწავლეებს, ისე დამსწრე საზოგადოებას დაუვიწყარი ემოციები აჩუქა.
საოცრად თბილი და შთამბეჭდავი ღონისძიება „ოქროს შემოდგომას“ მიეძღვნა, წელიწადის ეს ულამაზესი დრო მოსწავლეებმა საკუთარი შემოქმედებითა და სახალისო აქტივობებით გააცილეს.
ღონისძიებაში მონაწილეობდნენ I-დან XII კლასების ჩათვლით მოსწავლეები. შემოქმედებითი ნაწილის შემდეგ მოსწავლეები ერთმანეთს შეეჯიბრნენ სახალისო და საინტერესო გამოცანებში.
„დაე, ჩვენს სკოლაში მუდამ სუფევდეს ფერები, სიხარული და ღიმილი!“- აღნიშნავენ სკოლაში და ახარებთ მოსწავლეთა მონდომება და პედაგოგის საინტერესო ინიციატივები.
იხილეთ ფოტოები:
