ასპინძის მუნიციპალიტეტის სოფელ ივერიის საჯარო სკოლაში მოსწავლეთა ჩართულობა სხვადასხვა კონკურსში წახალისებულია, მათი მიღწევები კი საამაყო.
ამჯერად, სკოლაში ანი აბაშიძის წარმატებას აღნიშნავენ. მოსწავლე „კინგსის“ ოლიმპიადის ფინალისტია ინგლისურ ენაში.
სკოლაში მოსწავლეს წარმატებას ულოცავენ და ცოდნის ახალი მწვერვალების დაპყრობას უსურვებენ.
„განსაკუთრებული სიამაყით ვაცხადებთ, რომ სკოლის მე-11 კლასის მოსწავლე ანი აბაშიძემ „კინგსის“ ინგლისურის ოლიმპიადის ფინალურ ეტაპზე უმაღლესი შედეგი აჩვენა და ღირსეულად წარმოაჩინა ჩვენი სკოლის სახელი!
ანის შრომისმოყვარეობა, პასუხისმგებლობა და ცოდნისადმი სიყვარული ნათელი მაგალითია იმისა, რომ მიზანდასახულობა ყოველთვის იძლევა შედეგს.
მისი წარმატება ჩვენთვის ყველასთვის დიდი სტიმულია — როგორც პედაგოგებისთვის, ისე მოსწავლეებისთვის.
ვულოცავთ ანის ამ წარმატებას, ვუსურვებთ ახალი მწვერვალების დაპყრობასა და არაერთ გამარჯვებას მომავალში!“,- აღნიშნავენ სკოლაში.
იხილეთ ფოტოები:
